يابيي
نحنا يابيي منوزع الضحكات
منوزع البسمات
ياريت فينا نكتفي
وماتنزل الدمعات
آه آه يابيي شو مرت
حكايات
بهاليوم اللي كان العرس
عم يغازل النجمات
نحنا يابيي صرنا
بالسما نجوم
ماعاد في حولنا
لا غربان ولا بوم
نحنا مع الشهدا وكل يوم
بيطلع شهيد جديد
وبيجب الحكي
واحد ترك خيو
بنص المعركه
واحد ترك امو
مالها حدا وعيونها
نشفت من البكي
واحد ترك أولاد
متل زغب القطا
كيف الحكي يابيي
بيجيب الحكي
واحد ترك محبوبتو
عم تنتظر عدروب
كليتها امل يرجع
وهيي ملبكي
وترن عاهاتفو
تسمع الو
لاسمعت الو
ولا دار الحكي
قلي يابيي إذا
الإنسان بدو يشتكي
في حدا يشكيلو
غير ألله ويحكيلو
الحكي
انا حتى لو ضحكت
يابيي هيدا الألم
يلي على روحي
دبحني من البكي
قلي يابيي بقي حدا
من إخوتي أمي بعدها
ناطرة درب المدرسه
وعم تشتكي الشكوى
ﻷالله ماعاد في
عنا حكي
نحنا يابيي صرنا
جنود عسياج الوطن
عم نرفع الرايات
ونزيل المحن
ياريت ياريت
يابيي بقدر
احكيلك كل الحكي
كنت عرفت
معنى الشهادة
والسعادة اللي بعدها
بتعرف انو دم العرسان
مو رايح هدر
وانو المسيح بالأمل
حقق نصر
حتى سلفنا الصالح
داقو القهر
وكتبو على جبين
الشمس عنوان النصر
سهام الخضور
ليست هناك تعليقات:
إرسال تعليق