تؤبش قلبي ..
بريف عيونك سرّ كبير
من رقة و طيبة و تعبير
يا تؤبشني هيك عيون
بنـظرة قلبي الصبّ يطير
لما العين تشد شراع
و تحسن بالرمش التدبير
و تقسم بالرب الرحمن
ترمي القلب بعشق كبير
و ورد الخد بيرفع عهد
بيمنَع عن حُبـه التعتير
و شفّه ببسمة تفوق الحد
بتسحر ترمي بأعمق بير
كيف العاشق ينكر حق
و ينسى هالبشرة الحرير
وجه البدر بيؤمر أمر
و قلبي ع المشوار صغير
يا تؤبش قلبي بهالقد
المعتَدّ بميسه و بغير
من النسمة لو تقرب حد
الخفّـه - بتعلن لي النفير
معقولة لو جد الجد
الوجد يداهمني بكّـير
و أمسي بين مروج الورد
بعرشها تتوّجني الأمير ؟؟!!!!
--- خضر الفقهاء ---
ليست هناك تعليقات:
إرسال تعليق