ألو ... حبيبي
ألو ...
حبيبي
صباح الخير
إن زرت بيتنا
المهجور
سلم ...
ع ارض دارنا
وشجرة الياسمين
يلي زرعناها
سوا من سنين
حبيبي
سلم ...
عا شجرة الدوالي
و باقات الورد
يلي بعدا بالمزهريه
ومنك مقدمة هديه
سلم ... على
رفيقة نهاري
ومشوار العمر
أنيستي
يلي بعدا
ع الحيط معلقه
كم أبكت عيوني
وأوجعت قلبي
ما بين التكة ...والتكة
نبضة لقلبي
قلق ...
خوف ...
وإنتظار ...
حبيبي
بوسلي
عتبة البيت
وسلم
عا اصايص الورد
وعلى الدرجات
عاذكرياتنا الحلوه
حتى مكان الزعل
والدمعات
فنجان قهوتي
والبسمات
سلم ...
على الجيران
والحيطان
خربشات ولادنا
ذكرياتهم ...
مطارحهم ...
ضحكاتهم ...
رائحة عطرهم
بصمات أصابعهم
و مطارح خطواتهم
حييبي
سلم ...على
الفرح يلي
عشناه وزرعناه
بكل مكان
صباح سلطان
ليست هناك تعليقات:
إرسال تعليق