أهزوجة
عند الصبح وصيت هالنحلات
.. يزوروا خدودا وياخدوا رحقه
ومريت عَ عصافير هالبستان
.. تي يغردوا ع بابها برقه
ولما صحت من نومها جمّعت هالنسمات
.. وحَطيتهم عَ تختها رَشقه
وحملّت أشواقي للفراشات
.. برقة سما الحلوين هالزرقا
ولما شفتها العصر بالبستان
.. زرعت بشفايفي ع خدها حبقه
وقلتلها يا حلوتي ضلي هون
.. حاجي تعب وأشواق عم نشقا
ردت وبعيونها وله صبيان
.. وقالت يَ قلبي شم هالعبقه
وصحيت من نومي متل سكران
../ وقلت العَمَش هالبنت شو لبقا
بأرض الوطن عشنا وبدنا نضل
.. وبحبنا لَ بعضنا ولَلوطن عم نرقا
محمد حويجة
ليست هناك تعليقات:
إرسال تعليق