الغربة
الزمن لسّة بياكل ف عمرنا
واحنا بعاد ...والشّوق بيهدم صبرنا
بكتب رسايل و بحدِفها كده من بعيد
فوق الحدود ...فوق السدود ...رغم القيود
...
بتقول انا مشتاق لحضنك والخدود
ما تفتكريش انا ف بعدك ...انا عايش
انا بغرق... ولا ميّت و لا فايش
حوليّه وشوش تايهة ف كلّ مكان
وانت اللي باتمنى أشوفك زيّ زمان
...
الوقت راح والحبّ ليكِ ما بينتهيش
واناعشت عمري متغرّب علشان نعيش
انا وانتِ زيّ الناس... لكن ما فيش فايدة
الفقر لازقني و حبّي ليكِ نار قايدة
مش قادر احوّش ثمن التذكرة رغم الدموع
عايش سجين مخدوع و بحلم بالرجوع
...
بيني و بينك مسافة كلّ يوم بتزيد
و باشتاق لِك و باندهلِك و بحاول من جديد
بيني و بينك عمر بينتهي وانا لسّه عنيد
بحلم تكوني اميرتي علشان ابقى سعيد
عدنان خليفة
ليست هناك تعليقات:
إرسال تعليق