شو حلو لون
الدني
قبل الفجر
شو حلو لون
الدني
قبل الفجر
بشوّي
شهقة ندي
وشلال من الحان
عم تعزفو سواقي
الحقول
وعصفور واعي
حد نبعة مي
وريحة الوزّال والزعتر
ونسمة هوا
بتغازل صنوبر
بيرقص غوى
وبيبوح أسرارو
متل لهفة شي مرا
وفستان ما بيسكرو
زرارو
يا ريت ما يوعو البشر
تا يضل مبسوط الشجر
يعبي بحضنو
فرحة عصافير
مشتاقة تطير
وتسرق القمح
وغلة الفلاح
يا ريت ما يوعو البشر
بلكي الحلا
بيضل بعد شوّي .
أمين الديب
ليست هناك تعليقات:
إرسال تعليق